Најмалку 812 жители на источноафриканската држава биле вакцинирани со лажни вакцини од страна на група изманици.
Скандалот бил откриен кон крајот на јуни од страна на угандските власти кога ги уапсиле измамниците. Благодарение на еведенцијата која ја воделе, полицијата востановила дека барем 812 луѓе добиле лажна вакцина против COVID-19 која содржела најголем дел вода.
Измамничката група оперирала во главниот град Кампала, а ја сочинувале две медицински сестри и едно лице кое се претставувало како доктор. Двете сестри се наоѓаат во притвор, додека „докторот“ успеал да избега и полицијата сѐ уште трага по него.
Групата функционирала на тој начин што лажниот доктор таргетирал компании убедувајќи ги да ги вакцинираат вработените по специјална цена за нив - од 28 до 56 долари по доза. Вакцините кои неговата група велела дека ги има на располагање биле оние на AstraZeneca произведени во Индија.
Властите на Уганда стапиле во контакт со индиските колеги со цел проверка на веродостојноста на нивните открија, па се востановило дека во Индија не само што никогаш не испратиле таква пратка вакцини во Уганда, туку воопшто не произвеле. Тогаш станало јасно дека вакцините се лажни.
Луѓето кои биле боцнати со лажна вакцина не се ниту отруени ниту им е нанесена било каква штета по нивното здравје, па можат дополнително да примат вистинска вакцина.
Од почетокот на пандемијата во Уганда се регистрирани 90 илјади случаи на COVID-19, а околу 2.400 луѓе ги загубија животите поради болеста. Сепак, со оглед на малиот број тестирања се претпоставува дека бројката на заразени и починати е далеку поголема.
Вакцинацијата во Уганда се одвива со многу бавно темпо поради недостаток на вакцини кои требаше да стигнат преку КОВАКС системот на ОН наменет за сиромашните земји.
