КОВИД состојба: 19.978 активни случаи и над 26 илјади вакцинирани граѓани

Вакцина против COVID-19 досега примиле 26 014 граѓани, стои на онлајн платформата kovid19vakcinacija.mk на која граѓаните може да се информираат за вакцините, процесот и фазите на вакцинација. На веб страницата vakcinacija.mk за вакцинација се пријавиле 154.248 граѓани.

 

Министерот за здравство Венко Филипче вчера изјави дека вакцинацијата во државата се одвива добро, околу 25.000 граѓани се вакцинирани во салата „Борис Трајковски“, а денеска, како што посочи, завршува вакцинација на вработените во критичната инфраструктура, согласно националниот план.

-Од среда, останатиот дел од 20.000 вакцини на Спутник V, ќе бидат распределени по возрасни групи, рече Филипче.

Тој посочи дека вакцинацијата со останатите вакцини на Спутник V од денеска ќе се одвива исто како што се одвива вакцинацијата од почетокот со вакцината на AstraZeneca по вакциналните пунктови. Министерот Филипче упати апел до сите граѓани да се пријават на сајтот за вакцинација „vakcinacija.mk“, со цел сите податоци на пријавените граѓани влезат во системот „Мој Термин“ и на тој начин да бидат регрутирани.

-Освен овој систем, кој исто така важи е и преку пријавување кај матичните лекари, кои имаат обврска да ги анкетираат своите пациенти, посебно постарите, кои треба да го изразат интересот за вакцинација. Значи од среда вакцинацијата ширум државата продолжува по возрасните категории, како ќе доаѓаат понатаму вакцини, ќе се надополнуваат двата системи, додаде Филипче.

Приоритет имаат постарите граѓани, но продолжуваат и во делот на критичната инфраструктура.

Вакцинирани се целосно сите кои имаат најголем ризик и кои практично учествуваат во менаџирање на кризата од почеток, припадници на МВР, Армијата, вработените во училиштата, односно наставнички од прво до трето одделение, МТСП во делот на градинките, негувателките и воспитувачите, понатаму праводуството, денеска е групата на вработени во Собрание, во техничките служби, а го очекува и интересот од страна на претседателот на Собрание во делот на вакцинација на пратениците.

Вчера во салата „Борис Трајковски“ се вакцинираа околу 600 новинари, и тоа тие од критичната група над 40 години и луѓе кои се со хронични болести. Вакцинацијата беше организирана во соработка со ЗНМ, ССНМ и Министерството за здравство.

Младен Чадиковски од Здружени на новинарите на Мекедонија (ЗНМ) посочи дека се надева оти во следната фаза ќе се вакцинираат и останатите медиумски работници.

Прашан дали бремените жени ќе се вакцинираат, министерот Филипче рече оти сите препораки треба да дојдат од стручниот тим што работи на вакви анализи.

-Сите препораки ќе дојдат од стручниот тим кој што ги работи анализите врз основа на публикација, ако има некоја категорија на граѓани да бидат внимателни, тогаш ќе има таква препорака односно ќе бидат приоретизирани, посебно на една ваква осетлива категорија, а овие денес вакцини кои што ќе дојдат, ќе бидат додадени на сегашниот систем на вакцинирање на граѓаните по возраст, рече Филипче.

Тој појасни дека хронично болните ќе се вакцинираат согласно возрасната група, затоа што има навистина голема бројка и во таа смисла приоритетот се дава според возраста.

-Во секоја возрасна категорија, од 50 години нагоре, па секои пет следни, огромна е бројката на пациенти со хронични заболувања, така да сега продолжуваме по возраст и соодветно по доаѓањето на вакцините ќе се намалува возраста, рече министерот.

За тоа кога ќе се очекува да се вакцинираат работници во маркетите, но и таксистите, Филипче рече дека апсолутно го сфаќа интересот за вакцинирање, но испрати апел сите да бидат трпеливи.

Соопшти дека вчера на состанок на Кризниот штаб како предлог е прифатено да се направи измена на Законот здравствена заштита со која на приватните болници ќе им се ограничи наплатата на финансиски средства за време на кризата што се однесуваат на лекување ковид пациенти. Ваквиот предлог денеска ќе биде поднесен до Владата.

Во врска со нови пратки вакцини, министерот синоќа на својот Facebook профил напиша дека денеска на негово барање се сретнал со кинескиот амбасадор во државава, Џанг Ѕуо со кого разговарале за испораката на вакцините од производителот Sinopharm, односно да се забрза процесот за испорака на 200.000 вакцини, кои според најавите на амбасадата во нашата земја би требало да стигнат до крај на месецов.

 

Денеска на мое барање остварив средба со н.е. Џанг Ѕуо, амбасадор на Народна Република Кина во нашата држава. На...

Posted by Венко Филипче on Monday, April 12, 2021

Во меѓувреме, Глобалниот сојуз за вакцини и имунизација (Гави), како што јави дописникот на МИА од Белград, соопшти дека Северна Македонија, Босна и Херцеговина и Косово преку КОВАКС системот во периодот од април до јуни треба да добијат по 100.620 дози од вакцината на Pfizer.

Како што пренесува Радио Слободна Европа, земјите од Западен Балкан првите дози на вакцини против коронавирус преку системот КОВАКС ги добија во средината на март. Северна Македонија доби 24.000 вакцини на AstraZeneca.

Филипче на својот Facebook профил напиша дека 2000 кинески вакцини од производителот Sinopharm вчера пристигнале на аеродомот во Софија и се очекува од таму да бидат транспортирани во земјава. Станува збор за донација од Обединетите Арапски Емирати.

 

2000 кинески вакцини од прозиводителот Синофарм пристигнаа на аеродомот во Софија и до вечер ќе пристигнат во нашата...

Posted by Венко Филипче on Monday, April 12, 2021

Според вчера објавените податоци на Институтот за јавно здравје за изминати 24 часа, регистрирани се нови 193 случаи со COVID-19, 34 починати и 1.014 оздравени пациенти.

Вкупно 1.735 пациенти позитивни и суспектни на коронавирусот се лекуваат на инфективните оддели во државава од кои 726 во Скопје.

Вкупниот број Ковид-дијагностицирани лица во земјава од почетокот на епидемијата изнесува 142.034, бројот на оздравени пациенти е 117.794, на починати е 4.262. Вкупниот број активни случаи во државава изнесува 19.978 од кои 9.324 се во Скопје.

реклама

Како изгледаат првите Viber стикери со македонски знаковен јазик?

Read more

Русија официјално ги прогласи САД и Чешка за непријателски држави

Read more

Ненаситни за секс: Хороскопски знаци со најсилно либидо

Read more

Какви промени да очекувате ако трчате редовно цел месец?

Read more

Македонија

КОВИД биланс: 112 нови случаи од 4.196 тестирања

Read more

Почнува вакцинацијата на пациенти со трансплантиран бубрег и кои одат на дијализа

Read more

Има повеќе слободни кревети од КОВИД пациенти на инфективните одделенија

Read more

Филипче: Верувам дека Заев повторно ќе го направи најдобриот тим

Read more
 

Вести

КОВИД биланс: 112 нови случаи од 4.196 тестирања

Читај повеќе
  • play_arrow

Новинарка во живо од бомбардирање во Газа: О Боже, морам да се тргнам!

Читај повеќе

Почнува вакцинацијата на пациенти со трансплантиран бубрег и кои одат на дијализа

Читај повеќе

Русија официјално ги прогласи САД и Чешка за непријателски држави

Читај повеќе

Претрес во Гази Баба, приведен дилер на дрога

Читај повеќе

Има повеќе слободни кревети од КОВИД пациенти на инфективните одделенија

Читај повеќе

Филипче: Верувам дека Заев повторно ќе го направи најдобриот тим

Читај повеќе
  • play_arrow

Фатен на камера – моментот на бомбардирање зграда во Газа

Читај повеќе
  • play_arrow

Напад врз медиумски работник да се третира како напад врз службено лице

Читај повеќе