Шпанскиот тенисер Рафаел Надал нема да учествува на Индијан Велс.
Минатата сезона Надал стигна до финалето на овој АТП турнир од серијата 1000 и со тоа одбрани 600 поени од истата.
Моментално осмиот светски играч на тој начин ќе отпадне од Топ 10 светски играчи со оглед на тоа што 11-от тенисер во светот Хуберт Хуркач заостанува само 250 поени зад него.
Зошто е важно тоа? Затоа што ќе биде првпат Надал да не биде во топ 10 од 2005 година, што е рекорд во машкиот тенис.
Тој го собори рекордот во 2020 година, кога го престигна Џими Конорс (789), а моментално на своето конто има 910 недели во избраното друштво. Сепак, не успеа да го собори рекордот на Мартина Навратилова, која 1.000 недели беше меѓу 10-те најдобри тенисерки во светот.
Да потсетиме, Новак Ѓоковиќ го собори апсолутниот рекорд по број на недели на врвот (378), кој до овој понеделник го држеше Штефи Граф.
