Кочијата на холандското кралско семејство, оспорувана затоа што е украсена со расистички прикази, повеќе нема да се користи, објави кралот Вилем-Александер. Кочијата е навредлива за голем број луѓе.
„Не може да го промениме минатото, но можеме заедно да се обидеме да се помириме со него“, изјави кралот за Златната кочија.
Тој рече дека нема да се користи се додека колонијалната историја на Холандија е контроверзна.
„Златната кочија повторно ќе се вози дури кога Холанѓаните ќе бидат подготвени за тоа, што моментално не е случај“, објасни тој.
Кочијата е еден од симболите на монархијата во оваа земја, но за многумина симболизира расизам и репресија во колонијалното минато долго 200 години. Критичарите велат дека едната страна од кочијата е декорирана со приказ кој го слави колонијалното минато на Холандија.
Контроверзната слика на кочијата прикажува бела жена седната на трон на која полуголи луѓе од африканско потекло пред нозете ѝ положуваат дарови. Контроверзиите за кочијата постојат долго време, посебно затоа што во неа се вози монарх.
Кочијата не се користи од 2015 година, кога по скоро 125 години употреба е однесена на рестарвација. Последните 6 месеци беше изложена во музеј во Амстердам, но во наредните месеци изложбата се затвора.
Кочијата е подарок од градот Амстердам за кралицата Вилхелмина во 1898 година.