Познатиот актер Крис Хемсворт се подготвува за најголемата трансформација низ која ќе мине за улогата на еден од најпознатите кечери на сите времиња, Хулк Хоган.
Во улогата на легендарниот кечер 36-годишниот Хемсворт ќе се претстави во најдоброто физичко издание, односно ќе ја направи најголемата физичка трансформација досега.
Во интервју за Total Film, австралискиот актер изјави дека ова ќе биде навистина добар проект.
„Како што може да замислите, ќе биде потребна неверојатна физичка подготовка за филмот. Ќе мора да ја зголемам телесната маса многу повеќе отколку што се подготвував за улогата на Тор“, изјави Хемсворт.
Покрај физичката промена, актерот ќе мора да работи и на тоа да изгради став на борач, како и да го совлада неговиот акцент на говор.
Хемсворт вели дека е возбуден поради целиот проект, дека се радува на трансформацијата низ која ќе мине и додаде дека има уште доста време до снимање на филмот, со оглед на тоа што тој уште го нема видено сценариото.
Сепак, според мислењето на некои критичари, Хемсворт не е доволно силен да ја глуми улогата на Хоган, но актерот е подготвен да го прифати предизвикот.