Кривична пријава за седум лица за трговија со дрога

Одделот за криминалистичка полиција - Сектор за недозволена трговија со дрога, оружје и опасни материи во координација и заедничка соработка со СВР Скопје – Единица за недозволена трговија, поднесе кривична пријава против А.М.(27) од Дебар, поради постоење основи на сомнение за сторено кривично дело „продолжено кривично дело“, во врска со кривично дело „неовластено производство и пуштање во промет на наркотични дроги, психотропни супстанции и прекурсори“ и против Р.А.(35) од с. Житоше, прилепско, Г.Х.(42) од Р. Албанија, Ф.П.(29), М.Ѓ.(29), В.М.(34), тројцата од Скопје и П.Ѓ(32) од Дебар, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“.

На 16.11.2020, Г.Х. пренел дрога од Р. Албанија на територијата на Р.С. Македонија и во Дебар му ја предал на А.М., кој пак, по претходен договор со П.Ѓ., ја префрлил преку оградата на КПУ „Теферич“ во Струга. Потоа, полициски службеници од Надворешната канцеларија за криминалистички работи Струга извршиле претрес во собата каде П.Ѓ. веќе издржува казна затвор поради недозволена трговија со дрога, при што пронашле и одзеле марихуана, семки од растението Cannabis, мобилен телефон и сим картичка, со што П.Ѓ. повторно го врши кривичното дело.

По преземени мерки било утврдено дека Р.А. во ноември од лице од Албанија ја набавил марихуаната, по што во комуникација со А.М. се договорил да ја пренесе преку зелениот појас на државната граница. На 21/22.11.2020 А.М. дрогата ја предал на Ф.П.. Потоа, на 25.11.2020 Р.А. и А.М. ја продале на П.Ѓ. за сума од 3.000 евра.

На 26.11.2020 на бул.„Борис Трајковски“ во Скопје, полициски службеници сопреле возило, управувано од В.М., во кое бил и М.Ѓ. и при преглед на истото била пронајдена марихуана и неколку мобилни телефони. На 26.11.2020 бил  извршен претрес во викенд куќа во с. Моране, сопственост на М.Ѓ., каде биле пронајдени и одземени 1 килограм марихуана и пиштол калибар 8 мм без рамка.

Исто така, на 26.11.2020 полициски службеници извршиле претрес на Р.А. во КПД Прилеп, му бил одземен мобилен телефон и СИМ картичка. Притоа, Р.А. веќе издржува затворска казна од три и пол години за недозволена трговија со дрога, откако при преглед од полициски службеници извршен на 02.12.2019, му биле пронајдени 5 кг марихуана, со што тој, додека ја издржува казната, го повторил кривичното дело. При претрес извршен кај А.М., пак, биле пронајдени и одземени парични средства во износ од 3.000 евра, во различни апоени во денари и евра.    

Од извршеното вештачењето било утврдено дека станува збор за маса од 2,7 килограми марихуана, известија денеска од Министерството за внатрешни работи.

реклама

Што ќе се случи во телото ако секој ден пешачите?

Read more

Филипче: Повикувањето за вакцинација ќе се одвива преку системот „Мој термин“

Read more

26 јануари 1788, почнала колонизацијата на Австралија

Read more

Конор Мекрегор суспендиран на шест месеци

Read more

Хроника

АХВ постапи по две нотификации за увезен небезбеден сусам од Индија

Read more

Евакуирано семејство заглавено на Попова Шапка

Read more

Две деца повредени во сообраќајка во Кавадарци

Read more

ОЈО бара парични казни од по 2.000 евра за 8 лица за групирање на приватна прослава во Скопје

Read more
 

Вести

Филипче: Повикувањето за вакцинација ќе се одвива преку системот „Мој термин“

Читај повеќе

Утре без струја дел од општините Карпош и Сарај, задутре дел од Центар и Арачиново

Читај повеќе

Усвоен Националниот план за COVID-19 вакцинација

Читај повеќе

Португалија ги претстави целите на претседателството со ЕУ

Читај повеќе

Во текот на ноќта облачно со повремени врнежи претежно од снег

Читај повеќе

Нови 444 случаи на COVID-19, 894 оздравени и 21 починат

Читај повеќе

АХВ постапи по две нотификации за увезен небезбеден сусам од Индија

Читај повеќе

Средба на Димитров и Османи со Лајчак: Македонската европска приказна е пример за другите држави од регионот

Читај повеќе

Ресторани во Дубаи им нудат попусти на вакцинираните гости

Читај повеќе