Скопје, 30 октомври 2019 (МИА) – СВР Скопје – Единица за имотни деликти и малолетничка деликвенција – Одделение за имотни деликти и малолетничка деликвенција Центар – Бит Пазар поднесе кривична пријава против Н.Д.(47) од Скопје, поради основи на сомнение дека извршил две кривични дела, и тоа „тешка кражба“ и „тешка кражба во обид“, при што се стекнал со противправна имотна корист од околу 100.000 денари, соопштија од Министерството за внатрешни работи.
Од Министерството наведоа дека на 1 април 2019 во периодот од 18:00 до 21:45 часот на на паркинг простор на ул.„Аминта Трети“, во патничко моторно возило „ауди“, со скопски регистарски ознаки, со употреба на тврд предмет го скршил стаклото и одзел повеќе предмети.
Исто така, на 7 октомври 2019 во периодот од 13:00 до 14:00 часот на паркинг простор на бул.„ВМРО“ на идентичен начин оштетил патничко моторно возило „хјундаи“, при што не одзел ништо.
