Кромидот обично има долг рок на траење, но излегува дека ќе остане посвеж и подолго доколку се чува на вистинското место во кујната.
Сега кога времето станува постудено, многу луѓе ќе ги подготвуваат своите омилени чорби, супи или други готвени јадења, а една од основните состојки во повеќето обилни рецепти е кромидот.
Нема ништо полошо од тоа да посегнете по зеленчукот само за да откриете скапал предвреме, но можете да му помогнете на кромидот да трае подолго ако го чувате надвор од фрижидерот и на соодветно место во кујната.
Чак Силари, готвач и основач на Mortadella Head, вели дека го чува својот кромид во оставата, но можете да го чувате и на темно, ладно и место каде има воздух.
„Го чувам сиот свеж кромид во корпа во оставата. Ми се допаѓа отворена корпа бидејќи овозможува добра циркулација на воздухот и на тој начин добивате максимален рок на траење“, рече тој.
Соодветната вентилација е доста важна бидејќи сакате да го задржите кромидот сув. Недостатокот на проток на воздух може да предизвика влага, што не е добро за складираниот кромид.
Клучот за да го одржувате кромидот свеж е да го чувате подалеку од вода, бидејќи ако го чувате во затворен простор ќе дозволите да се собере влага што ќе предизвика кромидот да мувлоса.
Топлина и светлина, исто така, ќе предизвикаат кромидот да про'рти побрзо, што ќе предизвика да позелени и да има горчлив вкус, поради што е важно да се чува на темно место.
Сиот кромид чувајте го подалеку од фрижидерот бидејќи е премногу ладно и влажно место за да остане свеж, а наместо тоа чувајте го на собна температура во орман или фиока ако немате остава.
Кога се чува во ладна, темна и добро проветрена средина, кромидот може да остане свеж месец или два подолго.
