И ѕвездата на Реал Мадрид се приклучи кој серијата напади врез Катар од каде секојдневно доаѓаат информации за мачните услови во кои работниците работат на подготовката на стадионите.
Тони Крос гостуваше кај брат му Феликс на подкастот „Einfach mal Luppen“ на кој говореше и за проблемите во Катар, земјата каде во ноември и декември 2022 година ќе се одржи Светското првенство на ФИФА.
„Мислам дека е погрешно што домаќинлукот му беше доделен на Катар. Работниците имигранти работат со денови без одмор на температури околу 50 степени. Страдаат од неисхранетост, а се и жедни на тие ненормални температури. Сити овие работи се едноставно неприфатливи“, рече Крос.
Во Норвешка веќе се појави иницијатива нивната репрезентцаија да го бојкотира Мундијалот доколку се квалификува. Крос не верува дека со таков бојкот би се постигнало нешто.
„Дали со некаков бојкот ќе им се подобрат условите на работниците? Не верувам. Фудбалот секогаш привлекува огромно внимание, како пред турнирот така и за време на самиот турнир“, смета тој алудирајчи на тоа што поради фудбалот лошите вести од Катар веќе допреле насекаде низ светот.
Германија уште на првиот квалификациски натпревар против Исланд почна еден вид на бојкот со тоа што над дресовите носеа маички, на секоја по една буква, со што ја испратија пораката Human rights (човекови права) за време на интонирањето на химните.
