Кариерата на Тони Крос заврши со четвртфиналниот натпревар на Европското првенство во кој Шпанија по продолженијата ја совлада Германија со 2:1, со што стана првиот полуфиналист на турнирот, а подоцна и победник.
Додека Шпанците славеа, еден од најдобрите играчи од средниот ред на генерацијата веќе беше во пензија.
Прашањето кое сè уште го мачи Крос е што ќе се случеше доколку ситуацијата од 106. минута од тој меч имаше поинаков епилог. Да потсетиме, ова е моментот на натпреварот во кој ударот на Џамал Мусиала од врвот на шеснаесетникот го сопре Марк Кукурела со рака.
Очигледно е дека топката на Мусиала отиде во рамката од голот и дека раката на Кукурела беше одвоена од телото, но главниот судија Ентони Тејлор не ја виде таа игра со рака, додека судијата на ВАР Атвел, по кратка проверка, му сигнализираше на Тејлор дека натпреварот може да продолжи. Крос повторно се осврна на оваа ситуација, овој пат во неговиот подкаст.
„Се воздржував до денес. Дури и во последната емисија рековме дека нема да разговараме за тоа“, одговори Крос на прашање на еден од неговите следбеници.
„Бев само вознемирен кога видов што се случи по натпреварот“, додаде тој, зеде длабок здив и заклучи: „Ајде да баталиме“.
Во текот на натпреварот, Крос не ни виде што се случи од неговата позиција.
„Тоа само значи дека во тој момент не сте толку лути на судијата затоа што не можете сами да процените. Тогаш се фокусирав на него. Тој мислеше дека не треба ни да гледа што се случи. Или барем така мислеше ВАР судијата, кој мораше да му каже“.
