Скандалот со копачките на фудбалерот на Челси, Марк Кукуреља добива сѐ поголемо значење, а британските медиуми најавуваат дека може да биде вистинска катастрофа за светски познатиот бренд Puma.
Марк Кукуреља направи вистинско шоу со копачките на лондонското дерби против Тотенхем. Тој како амбасадор на Puma имаше можност да ги облече најновите чизми пред официјалното претставување, но ги рекламираше на најлош можен начин.
Кукуреља двапати се лизна на почетокот на натпреварот и двата пати Тотенхем постигна гол. За сѐ ги обвини новите копачки, па во агонија ги смени по неполни 20 минути игра. Ги облече старите копачки и веднаш асистираше за голот на Челси.
За скандалот да биде уште поголем, Кукуреља по натпреварот објави стори на Instagram, каде што можеше да се види како ги фрлил копачките во корпа за отпадоци. Набрзо ја избриша објавата, но предоцна, бидејќи фотографијата го обиколи светот.
Puma сѐ уште официјално го нема претставено овој нов модел на копачки, а претставувањето е закажано за Божик. Вредноста на новите копачки наречени Future 8 е 265 евра, а нивниот амбасадор Кукуреља се погрижи малкумина да ги купат.
Puma face a marketing DISASTER on their new £220 boots as big-money ambassador Marc Cucurella is forced to delete his photo of them in the bin after Chelsea star slipped twice and had to change footwear https://t.co/ljvtyAVLcG
— Mail Sport (@MailSport) December 10, 2024
Угледниот британски Daily Mail објави дека се очекува вистинска катастрофа во продажбата на Future 8 копачките. Угледната германска компанија за спортска облека веќе е под притисок откако не ги исполни очекувањата со продажбата во третиот квартал од годината, а сега новите копачки се покажаа како лоша опција, барем во случајот со каталонскиот фудбалер.
Future 8 се рекламираат како специјализирани за три квалитети на теренот - приспособливост, движење и контрола. Но, Кукуреља не покажа ниту еден од тие атрибути при нивното лансирање и се заврши со тоа што ги фрли в канта.
