Шведскиот репрезентативец кој секое лето доаѓа на одмор во Охрид одби да зборува на македонски јазик пред камерите на Sportklub по поразот од Манчестер Јунајтед.
Дејан Кулушевски вечерва го почна натпреварот на „Олд Трафорд“ и одигра 78 минути во поразот од 3:2 на својот Тотенхем.
По натпреварот застана пред микрофонот на Sportklub за да даде интервју. Новинарот почна да зборува на српски, а Кулушевски го прекина велејќи му: „На кој јазик треба да зборувам? Бидејќи не можам да одговорам на...“, а новинарот му рече: „На македонски“, на што „Швеѓанецот“ Дејан категорично врати: „Не, не, не, не... инглиш“.
Кулушевски настапуваше за репрезентацијата на Македонија до 16 години, а потоа престана да се одзива на повиците за да го облече шведскиот дрес, кој го носи и ден денес.