Не е лесно да се избере половен автомобил – има многу фактори што треба да ги земете предвид, а секако најважен меѓу нив е моторот на возилото.
Веќе зборувавме за тоа како треба да преговарате кога веќе сте одбрале автомобил и како да препознаете дека возилото било удрено, а сега соберете некој корисен совет за тоа како да го проверите моторот.
Со оглед на тоа дека не постои сигурен начин да ја проверите точната километража, важно е да се утврди барем донекаде во каква состојба е моторот.
Освен некои очигледни знаци кои укажуваат на тоа, многу повеќе на број се оние „скриените“ кои ќе ги дознаете на потешкиот начин како нов сопственик на возилото, ако не ги откриете навреме.
Стручњаците даваат неколку совети како да го откриете присуството на сериозни проблеми со моторот.
Пред сѐ, внимателно разгледајте како изгледа просторот каде што е сместен моторот, дали има нечистотии, дамки од масло...
И претерано чистиот изглед на моторот и отсуството на каква било нечистотија и трага од масло може да биде знак дека нешто се крие и било „нашминкано“ пред покажување.
Следно, проверете ја состојбата на маслото во моторот. Филтерот за масло треба да биде лист од внатрешната страна, без наслаги и нечистотии, а самото масло да е „светло“ што укажува дека редовно било менувано.
Тука е и бојата на ауспухот која ја „издава“ состојбата на моторот. Треба да го проверите и притисокот на издувни гасови.
Состојбата на моторот значително се тестира и при самото возење, при што може да ги почувствувате и да ги слушнете неправилностите во работењето – чудни звуци, нерамномерна работа, вибрации...
По тест-возењето одново повторете ја постапката на проверка на моторот.