Тренерот на маскотата орел заработи суспензија од клубот откако со фашистички поздрав салутираше кон навивачите, исто така докажани фашисти.
Орелот Олимпија е клупска маскота кој лета над стадионот „Олимпико“ пред секој домашен натпревар на Лацио. Негов тренер е Шпанецот Хуан Бернабе уште од 2010 година.
На социјалните мрежи се појави видео на кое се гледа како Бернабе на левата рака го држи орелот, а со десната фашистички отпоздравува кон група навивачи и притоа извикува „Дуче, Дуче!“, односно името под кое фашистичкиот диктатор Бенито Мусолини беше познат.
Не е јасно дали снимката е од последниот натпревар во саботата против Интер, или од некој друг сезонава, но едно е сигурно: се работи за домашен натпревар и е снимено веројатно по завршувањето бидејќи трибините се испразнети, освен злогласната група навивачи.