Каде да го тестирате најекстремниот Lamborghini Huracan ако не на познатиот Nürburgring Nordschleife.
Британскиот онлајн инфлуенсер, кој може да се следи на YouTube под прекарот Shmee150, ја претвори својата страст за возилата на четири тркала во профитабилен бизнис што му овозможи да стане сопственик на многу престижни суперспортски автомобили. Меѓу неговите најнови аквизиции е најекстремниот Lamborghini Huracan WTO. А каде е најдоброто место за тестирање на ваков автомобил, ако не на познатиот Нирбургринг.
За жал, раководството на тркачката патека не беше воодушевено од идејата. По завршувањето на првиот круг тој беше елиминиран додека чекаше ред за вториот обид и му беше забрането да продолжи да вози. Причината за тоа е сосема невообичаена: неговиот автомобил едноставно бил премногу гласен. Во текот на првиот круг беа измерени 134 децибели, што е за четири децибели повеќе од максимално дозволената јачина на звук.
Треба да се напомене дека Shmee150 го извозе првиот круг прилично резервирано, бидејќи болидот беше поставен на режим наменет за користење возила во секојдневниот сообраќај. Во исто време, максималната брзина што ја постигнал додека возел била „само“ 250 километри на час.
Во вториот круг имаше намера да вози малку поодлучно, во програмата Troffeo, што го прави издувот на возилото уште погласен, додека можностите на возилото се помалку ограничени.
Како што дозна Shmee150 од службениците на патеката, прегласниот звук од возилата на Lamborghini е чест проблем со кој се соочуваат.
