Новиот селектор-играч, легендата Кирил Лазаров, денеска го објави списокот на ракометари со кои Македонија ќе ѝ се спротивстави на силната Данска.
Квалификациите за пласман на ракометното ЕУРО продолжуваат во март со двобој на двете непоразени во групата 7, Македонија и Данска, како и на двете без освоен бод, Финска и Швајцарија. Воедно, Данска доаѓа во Скопје како старо-нов светски шампион.
По тој повод новиот селектор Кирил Лазаров, кој истовремено ќе биде и играч, го објави конечниот список на повикани натпревари.
Собирот на репрезентативците е закажан за 6 март. Првиот натпревар го играме дома во салата „Борис Трајковски“ во Скопје со почеток од 20 часот, додека реваншот е на 14-ти во Алборг од 16 часот.
Голмани:
Никола Митревски - Порто (Португалија)
Мартин Томовски - Ди Ојлен Лудвигсхафен (Германија)
Марко Кизиќ - Вардар 1961
Леви крила:
Дејан Манасков - Веспрем (Унгарија)
Цветан Кузманоски - Еурофарм Пелистер
Димитар Димитриоски - Вардар 1961
Леви бекови:
Горан Крстевски - Фокшани (Романија)
Филип Талески - Вардар 1961
Михајло Младеновиќ - Охрид
Емилијан Ѓорговски - Голден Арт КЛ7
Централни бекови:
Филип Миркуловски - Вецлар (Германија)
Филип Кузмановски - Хановер-Бургдорф (Германија)
Марко Мишевски - Вардар 1961
Игор Ѓоргиев - Голден Арт КЛ7
Десни бекови:
Мартин Серафимов - Металург
Мартин Велковски - Еурофарм Пелистер
Кирил Лазаров - Нант (Франција)
Десни крила:
Гоце Георгиевски - Вардар 1961
Ненад Костески - Еурофарм Пелистер
Пикери:
Стојанче Стоилов - Вардар 1961
Жарко Пешевски - Штутгарт
Никола Марковски - Еурофарм Пелистер
Михаил Аларов - Пролет
Квалификациите ќе завршат со последните два натпревара на 28 април и на 2 мај. Првопласираните две репрезентации ќе обезбедат пласман на континенталниот собир кој ќе се одржи во Унгарија и Словачка.