Репрезентацијата на Македонија вечерва игра против силната Франција, во последното коло во Групата 2 на 29-тото Светско првенство.
Кирил Лазаров и неговиот тим имаат успешен настап на Мундијалот. Две победи, две нерешени и пораз е билансот во пресрет на дуелот со Франција.
„Ова досега го немам доживеано. Мора да има скриена камера кога нема ниту една критика. Мора да се работи за некаква местенка. Се шегувам, кртиките секогаш се потребни и во победите и во поразите. Ние сме мала земја, немаме многу играчи. Важно е да постои добар систем и да функционираат клубовите, да им се даде шанса на македонските деца за да се создаде база за годините што доаѓаат“, изјави македонскиот селекто за Balkan Handball.
