Пандемијата на коронавирус ги намали приходите на многу компании, а тука спаѓаат и авиопревозниците.
Намален е бројот на патници и летови, затворени се границите, зголемени се мерките на претпазливост и заштита... Ова значи помалку приходи, а поголеми трошоци, па авиокомпаниите наоѓаат разни начини за да си ги зголемат приходите за да не пропаднат.
Некои компании, на пример, воведоа посебна понуда која вклучува слетување таму каде што сте полетале. На пример, Qantas Airlines продава „излетнички“ прелетувања над Антарктик.
Некои се откажаа од надоместокот за промена на картата и терминот на патување, само за да ги привлечат луѓето да ги изберат нивните услуги. Други, во недостиг на патници пренесуваат и товар, пакети и нудат слични карго услуги на патнички летови.
Авиокомпанијата Air Asia Group се фокусираше на пренос на овошје и зеленчук.
Една јапонска авиокомпанија понуди 90-минутен лет со хавајска тематика: екипажот на лет носел хавајски кошули и се служеле хавајски коктели. Слични понуди имаше и во Кина.
Во јули, тајванскиот аеродром Taipei Shongshan во својата понуда имаше лет што никогаш не се обави. Се пријавија над 7.000 луѓе, а избрани беа само 60 среќници. Тие ги поминаа сите проверки како за вистински лет, а по 15 минути во авионот излегоа и уживаа во шопинг на аеродромот.
Идејата беше толку успешна што решија да ја повторат уште неколкупати.