Лејкерс до победа над Сакраменто Кингс со 117 : 92 дојдоа без Леброн Џејмс, кој влезе во здравствено-безбедносен протокол на НБА лигата. Со други зборови, е позитивен на коронавирус.
Според правилата оваа сезона во НБА лигата, вакцинираните играчи влегуваат во ковид-протокол во случај на позитивен тест, а невакцинираните и ако биле во контакт со заразено лице. Лејкерс официјално не објавија зошто Џејмс е под протокол, но ако е вакциниран, како што рече, тогаш причината е јасна.
Џејмс ќе биде надвор од игра најмалку 10 дена меѓу позитивниот тест и најмалку два негативни теста направени во рок од 24 часа.
Лејкерс му организираа безбеден превоз назад во Лос Анџелес, а Ентони Дејвис соопшти дека Леброн е асимптоматичен.
За нивна среќа, распоредот на Лејкерс е малку полабав, Џејмс ќе ги пропушти само натпреварите против ЛА Клиперс, Бостон и Мемфис, а има шанси да се врати за средбата со Оклахома Сити.
Во негово отсуство до победа вчера водеа Ентони Дејвис со 25, Расел Вестбрук со 23 и Малик Монс со 22 погодоци.
