Лос Анџелес Лејкерс пред неколку дена ја освоија 17-тата НБА титула во историјата на клубот.
Леброн Џејмс, најголемата ѕвезда на „езерџиите“, и во најголемиот триумф не заборави на легендата на клубот и негов пријател, Коби Брајант, кој загина во хеликоптерска несреќа во јануари.
Леброн на социјалните мрежи објави емотивна порака до Коби, преку која уште еднаш покажа колку му недостига.
„Брате, се надевам дека се гордееш со мене!! Те сакам и ми недостигаш, шампионе!!“, напиша Леброн.
Петкратниот шампион на Лејкерс во НБА лигата, Коби Брајант и неговата 13-годишна ќерка Џијана ги загубија животите на 26 јануари 2020 година во хеликоптерска несреќа. Лејкерс освоената титула оваа сезона му ја посветија на Брајант.