Ноќеска на НБА терените се одиграа дури 12 дуели, а на многу од нив имаше голема драма, а видовме и две продолженија.
Фантастичен натпревар одиграа Кливленд Кавалирс и Денвер Нагетс, а по продолженијата победата им припадна на домашните со резултат од 119:116.
Беше вистинска пресметка помеѓу Лаури Марканен од една страна и Никола Јокиќ од друга. Српскиот кошаркар беше поефикасен за еден поен (32 поена, 10 скока и 8 асистенции), но Марканен се покажа како човек на одлука.
Финецот постигна 31 поен и додаде 10 скока со 3 асистенции. Тој го предводеше својот тим до победата, иако Јокиќ погоди во последната минута од четвртиот период за продолженија (107:107).
Токму Марканен ја погоди клучната тројка и донесе 117:114 за својот тим на 28 секунди до крајот. Тука веќе немаше враќање во Денвер.
Уште еден српски кошаркар со поени отиде на 30 плус. Токму Богдан Богдановиќ ја предводеше својата Атланта Хокс до победата над Мемфис Гризлис со 120:105.
Одличен дуел одиграа Бруклин Нетс и Портланд Трејл Блејзерс, а на победата крајот ја однесе домаќинот со 128:123. Кевин Дурент постигна 38, а Стеф Кари 27 поени во победничкиот тим, дуо за кое гостите немаа решение.
Продолжение видовме и во Торонто каде домашните Репторс беа поразени од Лос Анџелес Лејкерс со 123:128. Гостите ги предводеше одличниот Леброн Џејмс со 36 поени, 9 скока и 7 асистенции.
Со ваквата партија Џејмс дојде на само 20 поени зад Карл Мелоун и стана вториот најдобар стрелец во историјата на НБА лигата. На првото место и понатаму е неприкосновениот Карим Абдул-Џабар со 1.500 поени повеќе од Леброн.
Резултати:
Филаделфија 76ерс - Далас Маверикс 111:101
Атланта Хокс - Мемфис Гризлис 120:105
Бруклин Нетс - Портланд Треил Блејзерс 128:123
Кливленд Кавалирс - Денвер Нагетс 119:116 (прод.)
Њујорк Никс - Вашингтон Визардс 100:97
Торонто Репторс - Лос Анџелес Лејкерс 123:128 (прод.)
Хјустон Рокитс - Индијана Пејсерс 118:121
Мајами Хит - Оклахома Сити Тандер 120:108
Сан Антонио Спарс - Њу Орлеанс Пеликанс 91:124
Јута Џез - Лос Анџелес Клиперс 121:92
Феникс Санс - Чикаго Булс 129:102
Сакраменто Кингс - Бостон Селтикс 97:126
Табела:
