Во НБА лигата синоќа се одиграа пет натпревари, а најголемо внимание привлече дуелот помеѓу Лос Анџелес Лејкерс и Чикаго Булс поради враќањето на Леброн Џејмс на теренот.
Џејмс ги пропушти претходните 7 натпревари поради повреда со која се здоби на натпреварот против Бостон на 8 март, а синоќа се врати на теренот и одигра 31 минута во кои забележа 17 поени, 6 скока и 4 асистенции.
Лука Дончиќ за 32 минути постигна 34 поени, 8 скока и 6 асистенции, додека Остин Ривс додаде 25 поени, но и тоа не беше доволно Лејкерс да избегнат вистинска катастрофа.
Имено, Чикаго победи со убедливи 146:115, а дури седумима играчи на Булс беа двоцифрени. Најмногу поени постигна Коби Вајт (35), а феноменални беа и Никола Вучевиќ со дабл-дабл (12 поени, 12 скокови) и Џош Гиди со трипл-дабл (15 поени, 10 скокови и 17 асистенции).
Лејкерс се четврти на Западот со скор 43-27, додека Булс се 9-ти на Истокот со 31 победа и 40 порази.
Резултати:
Индијана Пејсерс - Бруклин Нетс 108:103
Атланта Хокс - Голден Стејт Вориорс 124:115
Њујорк Никс - Вашингтон Визардс 122:103
Сакраменто Кингс - Милвоки Бакс 108:114
Лос Анџелес Лејкерс - Чикаго Булс 115:146
Табелa:
