Леброн со синот испишаа НБА историја

Еден од најдобрите кошаркари на сите времиња Леброн Џејмс си го исполни сонот откако синоќа играше заедно со синот Брони на официјален натпревар и со тоа влезе во историјата на НБА.

Леброн и Брони играа за Лос Анџелес Лејкерс во претсезонскиот пораз од Феникс (118:114) и на тој начин станаа првите татко и син кои играле заедно на кој било натпревар во НБА.

Тоа беше само увид во историскиот момент што ќе се случи кога на крајот на октомври официјално ќе почне сезоната во НБА, бидејќи овој дуел сепак се играше како загревање.

Леброн го заврши натпреварот со 19 поени, пет скока и четири асистенции за 16 минути, додека Брони имаше само два скока за 13 минути.

Инаку, Леброн во декември ќе наполни 40 години, а минатата сезона имаше просек од 25,7 поени, 8,3 асистенции и 7,3 скока на 71 натпревар.

Од друга страна, Брони беше драфтуван со 55-от пик и потпиша четиригодишен договор вреден 7,9 милиони долари.