Лос Анџелес Лејкерс доживеа нов шок откако беше поразен на гостувањето кај Орландо Меџик со 118:106, трет последователен пораз за тимот предводен од Лука Дончиќ.
Словенецот од доаѓањето во Лос Анџелес не е навикнат да губи во низа, но тоа му се случува последниве денови. Лејкерс западнаа во резултатска криза и ноќеска во Орландо го претрпеа третиот последователен пораз.
Орландо беше подобар на паркетот, славејќи најмногу благодарение на пресвртот во третата четвртина, бидејќи до тој момент гостите од Лос Анџелес главно имаа сигурно водство.
Дончиќ одигра одлична партија и постигна 32 поена со 7 скокови и 7 асистенции, но и тоа не беше доволно. Леброн Џејмс имаше 24 поени со 6 скокови и 7 асистенции, а Остин Ривс додаде 18 поени.
Германецот Франц Вагнер го предводеше Орландо со 32 поена, 9 асистенции и 5 скока. Паоло Банкеро додаде 30 поени со 7 скокови и асистенција, а Ентони Блек уфрли 18 поени кај победничкиот табор.
Неуспех доживеаја и Денвер Нагетс, повторно без Никола Јокиќ. Чикаго Булс беа подобри од овој тим со 129:119, и тоа среде Денвер.
Уште едно изненадување беше победата на Торонто Репторс над Вашингтон Визардс.
Резултати:
Индијана Пејсерс - Минесота Тимбервулвс 119:103
Орландо Меџик - Лос Анџелес Лејкерс 118:106
Вашингтон Визардс - Торонто Репторс 104:112
Бруклин Нетс - Далас Маверикс 101:120
Њу Орлеанс Пеликанс - Филаделфија 76ерс 112:99
Денвер Нагетс - Чикаго Булс 119:129
Феникс Санс - Милвоки Бакс 108:106
Сакраменто Кингс - Бостон Селтикс 95:113
Табела:
