Лос Анџелес Лејкерс стигнаа до третата победа сезонава од 13. обид против тежок противник и без Леброн Џејмс.
Лејкерс ги победија Бруклин со 116:103, а улогата на лидер наместо Леброн ја презеде Ентони Дејвис, кој натпреварот го заврши со 37 поени и 18 скока.
На другата страна Кевин Дурент постигна 31 поен со 9 скока и 7 асистенции.
Денвер го победи Чикаго на гостински терен со резултат 126:103, а на овој меч Јокиќ имаше повеќе асистенции отколку постигнати поени.
Јокиќ само четири пати шутираше од поле и четири пати беше прецизен, завршувајќи го мечот со 8 поени. Сепак, тој подели дури 14 асистенции и забележа 6 скока.
Неговиот резултатски учинок го компензира Мајкл Портер, кој постигна 31 поен. На другата страна Зек ЛаВин постигна 21 поен.
Останати резултати
Њујорк - Оклахома Сити 135:145
Кливленд - Минесота 124:129
Вашингтон - Мемфис 102:92
Филаделфија - Јута 105:98
Сакраменто - Голден Стејт 122:115.