Легендарните тенисери му даваат поддршка на Новак Ѓоковиќ по поразот во финалето на УС Опен.
Ѓоковиќ не успеа да го освои календарскиот грен слем, ниту да стане рекордер по бројот на Грен слем титули.
Единствениот тенисер кој успеа да освои календарски грен слем е Род Лејвер. Тој ги коментираше поразот на Ѓоковиќ и играта на Медведев.
„Данил Медведев, го сопре едниот од најдобрите тенисери на сите времиња. Да се освои првиот грен слем е неверојатно чувство, а уште повеќе кога тоа е против шампион како што е Новак Ѓоковиќ. Само храбро Новак, предизвикот продолжува. Ти посакувам сè најдобро“, напиша Лејвер на Twitter.
Поразот на Новак тешко го поднесе и полската тенисерка Ига Швјонтек.
„Не... не плачам, не плачам. “, напиша минатогодишната шампионка на Ролан Гарос.
Во публиката меѓу присутните беа и Бредли Купер и Бред Пит кои навиваа за Ѓоковиќ и го бодреа во најтешките моменти.
Новак доби огромна поддршка од публиката како никогаш досега.