Возачот на Ферари, Шарл Леклер, ќе мора да ја започне трката за Големата награда на Канада 10 места пониско од позицијата што ја освои во квалификациите поради промена на електронските елементи на погонската единица. Според прописите дозволено е само двапати да се менува овој дел.
Токму ваквата казна беше причината поради која Леклер мораше да се откаже на последната трка за Големата награда на Азербејџан, а Ферари имаше проблеми со ова од почетокот на сезонава и во тој поглед решија да ги заменат овие елементи.
Бидејќи ова е трет пат сезонава да го менуваат истиот дел, а тоа е дозволено двапати, Леклер ќе одлежи казна од 10 позиции на стартот на следната трка.
Со новите делови Леклер извозе слободни тренинзи, а по петтото место на првиот тренинг беше втор во вториот зад Макс Ферстапен од Ред Бул.
Трката за Големата награда на Канада е закажана за в недела од 20 часот по македонско време на патеката во Монтреал.
Верстапен е прв во генералниот пласман со 150 бода, 21 повеќе од Перес и 34 од Леклер.
Ред Бул има 84 бода повеќе од Ферари кај конструкторите и до крајот на сезоната нема да има многу дилеми околу првото место.
