Возачот на Ферари, Шарл Леклер, учествуваше на настанот во Монако наречен Историски ГП каде имаше несреќа.
Леклер ја имаше честа да вози автомобил Ferrari 312 B3 од 70-тите, кој му припаѓаше на легендарниот возач Ники Лауда.
Во текот на првиот круг Леклер возеше бавно, но подоцна значително забрза, а во третиот круг изгуби контрола над болидот и со задниот дел удри во пречката во свиокот Ла Раскасо. На прв поглед можеше да се види дека го скршил задното крило.
Леклер ја откри причината за несреќата
„Ги загубив сопирачките, ги загубив сопирачките! Кочев, педалот беше силен, а потоа „пропадна“. Имав среќа што се случи на ова место, бидејќи ако беше на друго место, ќе беше лошо. Проблемот е што се исплашив, сосема нормално се приближив до свиокот“, изјави возачот на Ферари.
Моначанецот подоцна се огласи и на Twitter.
„Кога мислите дека целата лоша среќа во Монако е зад вас, останувате без сопирачки во еден од најпознатите болиди на Ферари“, напиша Леклерк во твитот.
Леклер, кој живее во Монако, имаше несреќа во својот болид и минатата година за време на квалификациите за трката на оваа патека.
