Новиот робот на Caltech може да оди, скока, лета па дури и да вози скејтборд.
Роботите стануваат поразновидни и агилни, за тоа најдобро сведочи двоножниот робот на Caltech, наречен LEONARDO (LEgs ONboARD drOne).
Овој робот не е специјализиран за еден вид движење, туку успешно се снаоѓа во различни вештини кои вклучуваат одење на две нозе, летање, скокање, возење скејтборд, па дури и одење на жица.
Во исправена положба роботот е висок 0,8 метри. Неговите вештини за балансирање му ги овозможуваат четири пропелери исти какви кај дроновите, сместени на неговите рамена. Освен корекции со нив може да полета за да премине на нерамен терен, скали и други препреки.
Неговиот изглед е инспириран од природата. Научниците велат дека Леонaрдо ќе стане уште повешт и повеќе подвижен, а во иднина ќе има поцврсти нозе и попаметни алгоритами кои ќе му помогнат во навигацијата, одењето и летањето.
Студијата за роботот е објавена во Science Robotics.
