Овој рецепт за штрудла со мак не се подготвува тешко, а добиениот резултат е многу вкусен.
Потребни состојки:
- пола килограм брашно
- 250 милилитри млеко
- 30 грама квасец
- 1 јајце плус една жолчка
- 50 грама шеќер
- 50 грама путер
(за филот)
- пола килограм мак
- 200 грама шеќер
- чаша и пол млеко
- едно јајце (за премачкување)
Подготовка:
Загрејте го млекото да биде млако, па во него измешајте квасец и шеќер, а потоа додајте брашно, млеко, јајце плус жолчка и растопен путер. Сето тоа убаво измешајте го, смесата оставете ја да отстои околу дваесетина минути и потоа поделете ја на три дела.
Измешајте ги макот и шеќерот, постепено додавајте им чаша и пол врело млеко и мешајте.
Растегнете го тестото, премачкајте со филот и превиткајте во ролат. Премачкајте со изматено јајце, потоа печете во загреана рерна на 200 степени додека штрудлата не добие златна боја.
