Пазарот на летечки такси се очекува да достигне приходи од 150 милијарди долари до 2035 година.
Стартапот Wisk Aero ја претстави шестата генерација на своето летечко такси, целосно електричен авион со четири седишта што може да лета без пилот. Компанијата, во која Boing инвестираше 450 милиони долари, ќе бара одобрение од американската Федерална управа за воздухопловство (FAA) за превоз на патници како дел од комерцијална летечка такси услуга.
Wisk има за цел да стане првата компанија за „напредна воздушна мобилност“ која ќе добие зелено светло од FAA за тестирање на превозот на патници. Според правилата на FAA, авиокомпаниите мора да добијат три типа на сертификати пред да започнат со комерцијални услуги.
Летечкото такси на Wisk има шест подвижни предни ротори, секој со пет сечила, како и шест задни ротори, секој се состои од две сечила и останува фиксиран во вертикална положба. Од компанијата велат дека брзината на крстарење на авионот е 220 км/час, дека има домет од 140 км и дека може да лета на височини од 760 до 1.200 метри.
Wisk има за цел еден ден да обезбеди услуга за меѓуградско такси што може да се нарача со помош на апликација. Планот е возилото да нема пилот - наместо тоа, со него ќе управува автопилот систем надгледуван од човечки пилот на далечина. Авионот теоретски би полетувал и слетал од платформи лоцирани на врвот на зградите.
Компанијата се надева дека ќе ја лансира својата такси услуга во следните пет години, а кога ќе го направи, тие предвидуваат дека ќе има 14 милиони летови годишно на околу 20 големи пазари ширум светот.
Wisk не е единствениот кој сака да ја стартува оваа услуга. Компаниите како Joby Aviation, Volocopter, Ehang и Archer исто така тврдат дека се блиску до лансирање на летечки такси и успеале да привлечат инвестиции од Hyundai, Toyota, Airbus, Boeing, Bell и Uber. Аналитичарите предвидуваат дека пазарот на летечки такси може да порасне на 150 милиони приходи до 2035 година.
Се разбира, постојат сериозни пречки пред Wisk или која било друга компанија да започне комерцијална услуга. Односот сила-тежина е голем предизвик за електричниот лет. Густината на енергијата е клучен параметар, а денешните батерии не содржат доволно енергија за да ги подигнат повеќето авиони од земјата. За споредба, млазното гориво обезбедува околу 43 пати повеќе енергија од батеријата со иста тежина.
Извршниот директор на компанијата Eviation, чиј целосно електричен патнички авион Alice неодамна успешно го заврши првиот лет, зборуваше за проблемот со денешните батерии.