Роберт Левандовски ги известил челниците на Баерн дека на крајот од актуелната сезона има намера да го напушти клубот со кој е под договор до летото 2023. Потоа ќе потпише за Барселона.
Полските медиуми дознаваат дека сè било договорено на онлајн конференција со претставници на шпанскиот и европскиот гигант и дека 33-годишниот напаѓач ги договарал сите лични услови за соработка со новиот работодавец.
Капитенот на полската репрезентација има постигнато 46 гола на 40 натпревари за Баерн каде настапува од 2014 година. Со Баварците освои сè што можеше, а на 369 настапи постигна 340 гола за нив и додаде 69 асистенции. Со потпишувањето за Барселона, тој ќе стане првиот полски фудбалер во историјата на клубот.
Според некои извори, трансферот на Левандовски во Барселона би можел да изнесува околу 60 милиони евра.
