На новото специјално издание на спортското купе на Lexus доминира црната боја која го прави да биде уште поопасен.
Lexus моделот LC 500 Black Inspiration на купувачите ќе им го нуди со две погонски опции. Љубителите на традиционалните решенија можат да сметаат на 5-литарски атмосферски V8 мотор кој располага со 464 КС и 530 Nm максимален вртежен момент. Од 0 до 100 км/ч забрзува за 4,7 секунди.
Тука е и хибридниот модел кој го движи 3,5-литарски V6 мотор и во тој случај развива 359 КС и 350 Nm максимален вртежен момент при што од 0 до 100 км/ч забрзува за 5 секунди.
Црната боја доминира на каросеријата и во кабината. Автомобилот доби 21-инчни темни алуминиумски фелни зад кои се кријат кочниците и ограничена механичка блокада.
Луксузниот подбренд на Toyota ќе ја објави цената на автомобилот пред продажбата која се очекува на почетокот на наредниот месец.