Фаворитите се задоволни од штотуку завршената жрепка во второто по ранг европско клупско натпреварување, освен веројатно оние кои завршија во групите Ф и Х.
Најинтересно се очекува да биде во групата каде носител е Наполи, а каде фортуната ги смести и Реал Сосиедад, АЗ и Ријека. Не помалку неизвесно треба да биде и кај Селтик каде завршија прашка Спарта, Милан и Лил.
Арсенал доби навидум прелесна група со виенски Рапид, Молде и Дундалк, добро мина и Лестер со московска ЦСКА, загрепски Динамо и Волфсберг, а Рома ќе игра против Јанг Бојс, Клуж и софиска ЦСКА.
Топчињата ги влечеше поранешниот италијански дефанзивец Чиро Ферара, кој токму со Наполи триумфираше во тогашниот УЕФА куп во 1989 година.