Филмот „The Lion King“ на Disney втор викенд по ред остана на врвот на бокс-офисот во САД и Канада со 75,5 милиони долари, односно со заработка од дополнителни 142 милиони долари на меѓународно ниво.
Хиперреалистичниот римејк на режисерот Џон Фавро веќе е петтиот најголем хит годинава со заработка од 963 милиони долари. Филмот е на добар пат да им се придружи на „Avengers: Endgame“, „Captain Marvel“ и „Aladdin“, во клубот на филмови со заработка над милијарда долари.
На меѓународно ниво филмот најголема заработка оствари на пазарите во Кина - 114 милиони долари, Обединетото Кралство – 45 милиони долари, Бразил – 42 милиони долари и Франција – 40 милиони долари.
Премиерното прикажување на „Once Upon a Time in Hollywood“ заработи 40,3 милиони долари и се најде на второто место.
Вака изгледа целосната листа на најгледани филмови во Северна Америка:
1. The Lion King – 75,5 милиони долари
2. Once Upon a Time in Hollywood – 40,3
3. Spider-Man: far From Home – 12,2
4. Toy Story 4 – 9,8
5. Crawl – 4
6. Yesterday – 3
7. Aladdin – 2,7
8. Stuber – 1,7
9. Annabelle Comes Home – 1,6
10. The Farewell – 1,5 милиони долари.