Диогу Жота е фудбалерот чие име со златни букви ќе биде запишано до бројот 10.000 во историјата на тимот од „Енфилд“.
Ливерпул има долга и богата историја, а синоќа во Лигата на шампионите падна и голот број 10.000. Честа да ја затресе мрежата по 10 илјадити пат ја имаше Португалецот Диогу Жота кој во 55. минута по асистенција од Трент Александер-Арнолд го отвори резултатот против Митјиланд.
Жота е прва сезона во таборот на „Црвените“ и веќе си обезбеди место во историјата. Пишано му било на 23-годишниот Портругалец, бидејќи и Мохамед Салах и Садио Мане и Роберту Фирмину беа на клупата за резерви.
„Нормално, среќен сум што погодив и му помогнав на тимот на победи. Да се дојде до таков јубилеј е секогаш убаво достигнување, но денес јас сум среќен поради победата“, рече стрелецот Жота.
„Тоа беше убав гол со одлична завршница од Диогу. Имаме навистина горда историја и е одлично достигнување да се стигне до ваков јубилеј“, вели асистентот на 10 илјадитиот гол, Александер-Арнолд.
Приказната за головите на Ливерпул почна пред 128 години кога Џок Смит го постигна историскиот прв гол во победата од 8:0 над Хајер Валтон во Ланкашир лигата, тогаш трета лига.
Голови на Ливерпул во официјални натпреварувања:
- Премиер лига: 6.968
- Чемпионшип: 977
- Ланкашир лига: 66
- ФА куп: 708
- Лига куп: 481
- Комјунити Шилд: 26
- Лига на шампиони: 411
- Лига Европа: 186
- Куп на победници на купови: 57
- Куп на саемски градови: 46
- УЕФА Суперкуп: 18
- Светско клупско првенство: 6
- други натпреварувања: 50
