Мај е месецот во кој повеќето фудбалски клубови го објавуваат изгледот на дресот за наредната сезона, а токму тоа сега го направија Ливерпул и Баерн.
Ливерпул реши да одигра на сигурно и ги воодушеви навивачите, додека Баерн експериментираше и ја разочара својата верна публика.
Ливерпул се одлучи за добитна комбинација - црвени дресови и тоа ретро, она што секогаш пали кај навивачите. Дресот на Nike е многу сличен на оној од предминатата сезона, а е помодерна верзија на дресовите во кои Ливерпул настапуваше во 70-тите.
Од друга страна, Баерн реши да експериментира и според првите реакции на навивачите - позгреши.
Стандардниот црвен дизајн е украсен со хоризонтални бели линии со различни дебелини.
Ова воопшто не им се допадна на навивачите на баварскиот тим, а доволно е да се каже дека дресот веќе стана најлошо оценетиот дрес во историјата на Баерн според порталот Football Kit Archive, специјализиран за дресови.