Тимовите на Јирген Клоп и Жозе Мурињо остварија победи синоќа со што останаа изедначени по бодови на делба на првото место на табелата.
Тотенхем условна имаше потешка задача бидејќи дома го пречека Арсенал кој сепак си замина дома поразен. Сон Хјон-мин во 13. минута ја најави новата победа на „Спарс“ за во продолжението од првиот дел Хари Кејн да го дуплира водството, резултат кој на крајот се покажа како конечен.
Интересно, за Сон ова беше десеттиот гол сезонава, а Кејн има исто толку асистенции. Обратно, Сон има 3 асистенции, додека Кејн 8 голови, со што јужнокорејско-англискиот тандем покажува одлична соработка оваа сезона.
Потоа Ливерпул го пречека Вулверхемптон и со убедливи 4:0 не дозволи Тотенхем долго да биде осамен на првото место. Мохамед Салах во 24. минута ја најави победа, а потоа голови постигнаа и Џорџињо Вајналдум во 58. минута и Жоел Матип во 67. минута, за на крај Нелсон Семеду со автогол да ја затвори лошата вечер на тимот од Западен Мидландс.
Тотенхем и Ливерпул водат во Премиер лигата со по 24 голови, но веднаш зад нив е Челси со 22 бода, како и Лестер со 21 кој синоќа благодарение на голот на Џејми Варди во последната минута ги освои бодовите кај Шефилд Јунајтед победувајќи со 2:1.