Популарната пејачка Деми Ловато (29) изјави дека на прославата на нејзиниот 28. роденден имала блиска средба со Неидентификуван летечки објект.
После ова „поучно“ искуство, објасни дека отсекогаш била фасцинирана од вонземскиот живот.
„Остварив вонземски контакт и тоа беше прилично неверојатно искуство“, вели таа.
Како што продолжува да говори на оваа тема, вели дека оттогаш почнала повеќе да се занимава со тематиката на НЛО и сфатила дека сака да сними едукативна емисија за тоа.
Потоа популарната пејачка ја сними документарната серија „Unidentified with Demi Lovato“ (Неидентификувано со Деми Ловато) која ја прати неа и група пријатели кои истражуваат вонземски живот во Националниот парк Џошуа Три.
„Излеговме во пустината и видов сина топка која беше оддалечена околу 15 метри, можеби и помалку, и некако како да лебдеше над земјата, но држеше дистанца од мене“, се сеќава Ловато.
Пејачката рече дека тоа искуство го променило начинот на кој таа го доживува светот, но и нејзиното мислење за вонземјаните.
„Тие се многу грижливи и интелигентни суштества, тие го сакаат само најдоброто за нашата планета“, додава таа.