Точно на пладне во Нион се одржа жрепката за осминафиналето од европската клупска елита.
Фортуната не ги посака гигантите ПСЖ и Ливерпул кои го платија цехот за пласманот во вториот барабан и за противници ги добија Баерн и актуелниот шампион Реал Мадрид, што за Ливерпул ќе биде и шанса за реванш бидејќи токму овој клуб загуби во мајското финале лани.
Најзадоволни од жрепката се Манчестер Сити и Интер кои за противници ги добија Лајпциг и Порто.
Затоа, пак, ќе има интересни дуели на Милан со Тотенхем и Наполи на нашиот Елиф Елмас против минатогодишниот победник во Лига Европа, тимот на Ајнтрахт од Франкфурт.
Двојки за осминафиналето:
Лајпциг - Манчестер Сити
Клуб Бриж - Бенфика
Ливерпул - Реал Мадрид
Милан - Тотенхем
Бортусија - Челси
Интер - Порто
ПСЖ - Баерн
Натпреварите ќе се играат на 14, 15, 21 и 22 февруари, а реваншите на 7, 8, 14 и 15 март. Сите натпревари ќе почнуваат од 21 часот.
УЕФА во текот на денов ќе објави кои натпревари точно на кој ден ќе се играат.