Лудата куќа станува сè побарана туристичка атракција

Куќата изградена наопаку во близина на колумбиската престолнина Богота и езерото Гватавита станува сè попопуларна туристичка атракција.

За кратко време градбата, во која целиот мебел е поставен наопаку, го доби прекарот Луда куќа (Casa Loca).

Тоа е всушност оптичка илузија, бидејќи зградата е навалена пет степени налево и пет степени навнатре.

Овој проект го смисли Фриц Шал, кој живее во оваа јужноамериканска земја веќе 22 години. Австриецот бил инспириран од градба што ја видел во неговата татковина.

Градежните работи започнаа пред две години, а за неполн месец оваа атракција ја посетија стотина посетители.

Да се ​​направи вакво нешто „воопшто не беше лесно“, а многумина сè уште не можат да им веруваат на своите очи кога ќе ја посетат оваа необична градба.