И овие новогодишни празници Интер се обидува да ги развесели своите симпатизери со симпатични видеа. Сега се решија фудбалерите да ги стават на квиз, а првата жртва е Ромелу Лукаку.
Белгиецот седна на „жешкото“ столче и одговараше на „тешки“ прашања. Покажа дека знае нешто од историјата на Интер погодувајќи за Хавиер Занети и Диего Милито.
Најмногу промашувања имаше кај новогодишните прашања. Не знае каде е измислен божиќниот колач панетоне, не знае каде живее Дедо Мраз, ниту пак како се вика неговиот најпознат Ирвас.
Не му беше чудно што не ги знаеше тие одговори, но затоа многу се зачуди кога го промаши прашањето „Кој во тимот има најмногу следбеници на Instagram?“ на кое Лукаку беше убеден дека одговорот е токму тој самиот. Но, не за џабе неговиот соиграч Алексис Санчес го нарекуваат „Instagram maravilla“ (Инстаграм чудо). Чилеанецот има дури 10,2 милиони следбеници.
На крајот Лукаку сепак имаше повеќе погодоци отколку утки.
