По четиригодишна војна, најголемата во историјата до тој момент, примирјето во Првата светска војна било потпишано на 11 ноември 1918 година, точно во 11 часот наутро.
Секоја година 11 ноември е посветен на одбележување на Денот на примирјето во Првата светска војна, кога мировниот договор меѓу Централните сили и силите на Антантата бил потпишан во 1918 година во точно 11 часот наутро.
Во конфликтот биле вклучени Германија и Австроунгарија од една страна, додека Русија, Франција и Обединетото Кралство биле од друга страна. Примирјето од Првата светска војна било потпишано во Франција, во специјална кочија на маршалот Фердинанд Фош. Тоа останало во сила сè до склучувањето на конечниот мировен договор во Версај на 28 јуни 1919 година.
Денот на примирјето се слави во Обединетото Кралство, Белгија, Нов Зеланд, Франција, Србија, во земјите од Британскиот Комонвелт каде што е познат како Ден на сеќавањето, а во САД - Ден на ветераните.
Дотогаш невидениот конфликт драстично ги преобликувал границите и ја променил картата на Европа.
Австроунгарското Царство било поделена на Австрија, Унгарија, Чехословачка и Југославија; по распадот на Отоманското Царство била формирана Турција; Германскиот Рајх изгубил голем дел од својата територија надвор од Европа и станал Германија, додека крајот на Руското Царство резултирало со создавање на Полска, Финска и балтичките држави Литванија, Латвија и Естонија.
Во анимацијата на Business Insider може одлично да се видат како изгледале промените на границите во Европа:
