Објавите што повремено се појавуваат на социјалните мрежи тврдат дека „квадратните бранови“ се знак за претстојно цунами. Некогаш се веруваше во тоа, но експертите сега нагласуваат дека ваквите бранови не се природни предупредувачки знаци за цунами.
Снимките од „квадратните бранови“ се шират на интернет со предупредувања дека ако ги видите, веднаш излезете од водата бидејќи наводно најавуваат цунами. Иако квадратните бранови (или вкрстените морски бранови) во океанот може да бидат опасни, тие не се алатка за предвидување цунами, според Climate Fact Checks.
Ваквите бранови се формираат како резултат на судир на две силни струи што доаѓаат од спротивни насоки - кога два бранови системи се судираат под агол или кога водите на две мориња се среќаваат во океанот, на површината се создава решеткаст, „коцкаст“ модел. Ова често се случува кога брановите од претходен временски систем продолжуваат да патуваат, додека новите ветрови истовремено создаваат бранови под различен агол. Кога овие бранови се судираат, на површината на морето се создава карактеристичен квадратен модел.
Попречните бранови се чести и во крајбрежните области, на пример кога брановите се кршат и дифрактираат. За разлика од вообичаените околности во кои брановите се движат паралелно со брегот, квадратен модел се создава кога брановите од еден временски систем патуваат под кос агол до друг временски систем кој продолжува да се движи во иста насока, и покрај силниот отпор од спротивната струја. Ваквите бранови, кои можат да личат на плима и осека по интензитет, можат да се појават на отворен океан, но и блиску до брегот. Тие се сметаат за ретки, но се чести во близина на Ла Рошел, Франција, каде што туристите се искачуваат на врвот на светилникот за да го видат феноменот.
Иако визуелно импресивни, попречните бранови може да бидат многу опасни за пливачите, како и за бродовите. Според извештаите, тие предизвикале бројни бродоломи во текот на годините.
