„18 милиони Југословени, случајно групирани заедно и крстени пред помалку од половина век - шест републики, пет раси, четири јазици, три религии, две азбуки и една комунистичка партија под претседателот Тито - ја држат обединета.“
Британската телевизија ITN (Independent Television News, ги држи каналите ITV, Channel 4 и 5) објави кратка документарна емисија од својата рахива, посветена на животот во Југославија на почетокот на 60-тите години, кога поранешната федерација транзитирала од Федеративна Народна Република во Социјалистичка Федеративна Република.
Во јуни 1961 година, Најџел Рајан од ITN отпатувал во Белград за да го процени животот во Југославија за време на транзициската ера; од Федеративна Народна Република до Социјалистичка Федеративна Република Југославија, конституционализирана само две години подоцна во 1963 година. По разделбата меѓу Тито и Сталин и пред воспоставувањето пазарна социјалистичка економија во следните години, напорите на Јосип Броз Тито да маневрира меѓу суперсилите од Студената војна се оценети во овој специјален „Roving Report“ на ITN; кој вклучува неверојатно интервју со Иво Крањчевиќ, учесник во атентатот врз надвојводата Франц Фердинанд, заедно со истакнатиот дисидент и поранешен наследник на Тито, Милован Ѓилас.
