Вечната дилема со која се соочуваат многумина кои сакаат да слабеат е дали да изберат пешачење или трчање.
Иако често се верува дека поинтензивниот тренинг носи подобри резултати, тоа не е секогаш точно.
Фитнес тренерот Вел Бејтс објаснува дека клучот е во начинот на кој телото ја користи енергијата за време на вежбањето.
„Телото всушност користи различни извори на енергија при вежбање“, вели тој за SheFinds.
За време на активности со помал интензитет, како што е пешачењето, срцевиот ритам останува во таканаречената Зона 2, што е погодно за согорување на маснотиите.
„Ова е оптималната состојба во која телото ќе ги користи складираните масти како примарен извор на енергија“, истакнува Бејтс.
Токму затоа умереното кардио, како што е брзо одење или одење по наклон, може да биде ефикасно за губење на маснотии.
Од друга страна, трчањето го зголемува срцевиот ритам во повисоки зони, поради што телото користи побрз извор на енергија - јаглехидрати.
„Тогаш преминувам од согорување масти на согорување јаглехидрати“, објаснува Бејтс.
Иако се согоруваат повеќе калории, помалку од нив доаѓаат од складираните масти.
Ако вашата цел е да согорувате повеќе масти, пешачењето може да биде поефикасен избор, додека трчањето е добро за вашата физичка подготвеност и здравјето на срцето.
„Качете се на лентата за трчање, поставете ја на благ наклон и продолжете. На вистинскиот пат сте“, советува Бејтс.
Најдобрите резултати често се постигнуваат со комбинирање на обете активности, во зависност од вашите цели.
