Сите се за Вардар, ама послатко им е Аргентина - Египет

Вардар вчера по 8 години пост повторно играше во квалификациите за Лигата на шампионите, но малкумина дојдоа да го поддржат клубот за кого, нели, „цело“ Скопје демек навива.

Според УЕФА, на 33-илјадната Национална арена „Тодор Проески“ се собрале 3.512 гледачи, односно толку карти биле продадени според официјалната евиденција.

Еден час пред да почне дуелот на Вардар со шампионот на Финска, на Мундијалот се играше пресметката на Аргентина со Египет, која имаше епски крај.

Очигледно е на скопјани што им е приоритет...

А, Вардар на празниот Градски разочара и загуби со 0:2, па е на чекор од експресна елиминација.

Како изгледаа трибините вчера објави на Х еден чешки граундохопер:

Според апликацијата Futbology, меѓу присутните едвај 3 и пол илјади гледачи имало и странци.