Овој сладок леб со банана и чоколадо е вистински погодок за љубителите на благо кои сакаат домашни колачи со чајот или кафето.
Потребни состојки
60 гр какао во прав
130 гр брашно
1 лажичка сода бикарбона
¼ лажичка сол
150 гр шеќер
115 гр стопен маргарин
1 големо јајце + 1 жолчка
50 мл кисела павлака
1 лажичка екстракт од ванила
2 реда чоколадо за готвење исечкано на парчиња
3 зрели банани
Подготовка
Загрејте ја рерната на 180 степени Целзиусови и премачкајте го калапот за леб од внатре и посипете го со какао во прав.
Измешајте ги брашното, какаото, содата и солта, а во друг сад измешајте ги јајцето, жолчката, шеќерот, стопениот маргарин, киселата павлака и ванилата.
Ставете ги сувите состојки во смесата и откако добро ќе ја промешате додадете ги изгмечените банани и чоколадото.
Тестото префрлете го во калапот и печете околу еден час. Оладете го колачот најмалку 10 минути пред да го сервирате.
