Ако сакате нешто посно за ручек, но во исто време лесно и заситувачко, дефинитивно ќе ви се допадне оваа мусака од тиквички.
Без месо, без јајца и без млеко, а сепак многу вкусна и сочна. Филот од морков ѝ дава посебен сладок шмек, па дури и љубителите на месо со задоволство ќе ја изберат повторно за оброк.
Ако сакате мусаката да биде „пополна“, додадете сварена леќа во филот, тоа ќе ѝ дава одличен вкус, но и повеќе протеини.
Потребни состојки:
- 2-3 средни тиквички
- 2 главици кромид
- 2-3 чешниња лук
- 2-3 компири
- 2 домата или 200 мл доматно пире
- 100 мл маслиново масло
- сол
- бибер
- зачин од сушени билки
- малку црвена пипер
- магдонос
- 3 моркови
Подготовка:
Измијте ги тиквичките и исечете ги на тркалца. Посолете ги и оставете ги 10–15 минути да пуштат вода, а потоа исцедете ги. Излупете ги компирите и исечете ги на тенки тркалца.
Пржете го сечканиот кромид во малку масло, додадете го лукот и ренданиот морков. Додадете ги доматите (или доматното пире), зачинете со сол, бибер и пипер. Кратко гответе за да се соедини.
Во тава намастена со масло наредете еден ред тиквички, еден ред фил и еден ред компири. Повторувајте додека не ви снема состојки. Последниот слој треба да биде тиквички и малку домати одозгора.
Печете во рерна на 180-200°C околу 35-45 минути, додека не добие убава златна боја и додека зеленчукот не омекне.
