Уживајте во брз и заситувачи грашок со макарони, павлака и кашкавал. Совршен оброк за ручек или вечера кога немате многу време.
Кога сакате да подготвите вкусен и заситувачки оброк од неколку основни состојки, комбинацијата од грашок, паста и павлака е одличен избор.
Ова јадење не бара многу време или комплицирана подготовка, а последниот потпечен слој од стопен кашкавал му дава богат вкус и привлечна златна кора. Идеален е за семеен ручек или лесна вечера.
Совет: Ако користите замрзнат грашок, нема потреба однапред да го одмрзнувате, само додадете го директно во тавата и гответе уште неколку минути.
Имајте на ум дека овој рецепт не е оригиналниот италијански познат како паста е пизели, туку е сличен модифициран.
Потребни состојки:
- 500 гр грашок
- 1 кромид
- 250 гр мали макарони
- 1 чаша кисела павлака
- 50 гр рендан кашкавал
- сол
- бибер
- малку маслиново масло
- малку вода (по потреба)
Подготовка:
Ситно исечкајте го кромидот и пржете го во малку масло додека не стане проѕирен. Додадете го грашокот, додадете малку вода доколку е потребно и гответе на средна температура додека грашокот целосно не омекне. Зачинете со сол и бибер.
Во меѓувреме, сварете ги тестенините во вода според упатството на пакувањето. Исцедете ги и веднаш измешајте ги со подготвениот грашок за вкусовите убаво да се соединат.
Лесно намастете огноотпорен сад или плех за печење, потоа распоредете ја смесата од тестенини и грашок врз него. Рамномерно прелијте ја павлаката и ставете ја во загреаната рерна да се пече околу 10 минути.
Кон крајот на печењето, извадете го садот од рерна, наросете го со рендан кашкавал и вратете го уште неколку минути, додека кашкавалот целосно не се растопи и не добие малку златна боја.
Сервирајте топло, со сезонска салата, како вкусен и заситувачки оброк што ќе го сака целото семејство.
